Ja, die
Königswalder Schnitzer haben sogar ein eigenes Lied !
Manfred Nestler hat in den 50iger Jahren begonnen es zu dichten.
Fast wäre es
in Vergessenheit geraten, denn wir müssen zugeben, gesungen
wurde es nicht sehr häufig.
Meist zu Vereinsfeiern, in der Weihnachtszeit oder mal zum
Saukopp-Assn...
In den 80iger Jahren habe ich es dann endlich einmal
aufgeschrieben und noch 3 Verse ergänzt.
's Kinneschwäller Schnitzerlied
Melodie : Hutzenmarsch von Stefan Dietrich
1.
Wenn's Dannerschtig üm achte is, do kumm mer alle zamm.
Dr Günt, dr Loth, dr Will, dr Guid un aah de Hammerlobn.
Do ward geschnitzt un aah gelacht un aah miet drunnernei,
do muß aah mit de Hutzenleit ewing gestrietn sei.
2.
E jeder hot en Brocken Holz, e jeder schnitzt ellah.
E jeder brengt sei Warkzeig miet, do könntr fei wos saah.
Wenn's spöter of Weihnachtn gieht, do bau mer alle Barg,
da schnitz mer Reh un Viecherzeig un schiene klaane Zwarg.
3.
Of unrer grußn Paremett, do is de Gachd miet drauf,
dr Guid, daar könnt dr Farschter sei, mier breng ne när nett nauf.
Enn Lächter hohn mier aah gebaut, daar is drei Meter gruß,
do fahlt bluß noch dr Atrieb na - un nochert gieht’r lus.
4.
In unrer grußen Hutzenstub, do is fei wahrlich schie.
Do hohn mier aah aus Kinneschwall paar alte Haisle stieh.
Die hohn mier ner su klaa gebaut, is kaa net annersch sei,
wann die en Fatzen grässer wärn, do brächt mer se net nei.
5.
Mier sei aah net ner Schnitzer bluß, dos wär ja nu gelacht,
ah Laubsagnzeig un Drachselei ward fei bei uns gemacht,
E jeder tut mit senn Geschick, sei Sach ob gruß ob klaa,
un ball is wieder Ausstelling, no haut ner tüchtig na.
6.
Un wenn is Holz mol alle ward, dos is fei net su schlimm,
is stieh noch Haufen Lindenbaam, do mach mer halt en üm.
Dann saagn mer klaane Brocken ooh, un namme se miet hamm,
do ward su mancher Bargmaa draus, sieht aus als tät’r labn.
7.
E Schnitzobnd is su richtig schie, ihr Leit kennt’s fei gelabn,
wenn's draußen schtürmt un schneie tut, will kaaner zeitg ehamm.
Dos war vür fuffzig Gahr schie su, un dos ward aah su bleibn,
zen Dannerschtig gieht’s wieder nauf - in unner Schnitzerheim.
Refrain:
Do fliegn de Späh, do stinkts nooch Leim
un trotzdam muß mr sitzen bleibn -
do fliegn de Späh, do stinkts nooch Leim
un trotzdam muß mr bleibn.